2014年11月23日星期日

有趣對話(四十一) 手太滑

翹翹的手太滑!!!!
翹翹:我覺得我的手太滑,個太陽整到我的手好滑,個月亮又整到我的手好滑。(!!!!!!????)
媽媽:你唔鍾意對手咁滑咩?
翹翹:好唔鍾意!
媽媽:做多d家務,對手就唔滑架啦!
翹翹頓時消音!!!!
媽媽心想著點解個太陽和月亮可以整到對手係滑的????一路諗翹翹的奇怪諗法,一面狂笑,卻又被翹翹發現了…
翹翹:你係度笑我!(他不喜歡人家笑他的)
媽媽:我冇笑你呀,我笑緊個太陽同埋個月亮之嘛!
翹翹"誤會"了媽媽,也消音了!!!!
(媽媽不停地暗笑呢!)

2014年11月21日星期五

有趣對話(四十) 棟起黎嘅嘢

Josaphat Tam 及麗琪 feeling amused
1 min ·
翹翹問的問題,睇吓你地估唔估到到底係咩嘢,哈哈哈!!
他問:"棟起黎嘅嘢"係幾時著嘅呢?
究竟在翹翹的眼中,"棟起黎嘅嘢"究竟係咩嘢黎嘅呢????

有趣對話(三十九) 揹書包

翊翊的書包給我想起陰影就是陰影~~
記得我讀中學時,我其中一個妹妹同我說背部好痛,於是我幫她檢查背脊,發覺她背部兩邊的骨不平衡,一高一低的。過了一段短時間,她還說痛。於是我力勸媽媽 一定要帶她看醫生,檢查得知,她的脊骨居然"s"發展,要進行一個大手術,加入鋼片支撐著它不再惡化。在她康復期間,我當然要好好保護著她,返學和放學, 除了自己的書包,我還會揹埋她的書包,見她不再痛,我就很開心和安心!
到了現在,我為了省回一些校車或交通費,我決定與翊翊步行25分鐘到學校,放學也如是,其實路程都不遠,可是那沉重的書包(其實天天也有執書包)……唉!
由於我有這陰影(雖然我知脊骨"S"形發展未必與重重的書包有關),再加上翊翊太瘦,怕他唔覺意"骨折"(哈哈),故我會替他揹書包,最後四分一路程才把書包給回他。
經過接近三個月,我發覺我的頸和膊頭都唔係好掂了,最後都決定把書包放在手提行李裡運送返學,這舒服得多了!
這應是我年紀越來越大,"機器"續步變壞,也因書包太重了! 在街上看到有其他小學生揹起比翊翊那更大更重的書包,一方面佩服他們,另一方面真替他們陰公呢! 小朋友應背起他自己的書包,但不應是過重的書包呢!香港的學生真厲害!

有趣對話(三十八) 擁抱

從"擁抱"得出來的笑話!!!!
有天,當翹翹做完功課,媽媽"見有d時間",便說:過黎,我地黎過深情的擁抱吧!
翹翹被媽媽擁入懷中時說:原來你係咁鍾意我架!?
媽媽平和地回應:係呀! 你今日先知呀!?
今吃完午餐後,媽媽又對翹翹說:你去午睡一陣,免得你去接哥哥放學時在路上一邊行一邊釣魚。但我會叫醒你,把你帶在身邊的,因為我要保護你的。
翹翹:你怕我俾壞人捉? 如果我俾壞人捉左,你係咪會喊架?
媽媽:緊係會喊啦! 你知唔知點解?
翹翹搖頭:唔知。
媽媽"明確而又堅定"地說:因為我好愛你架嘛!!!
翹翹聽後的反應是… 即時爆笑!!! (好似出生以來最好聽的笑話)
唉! 諗住同d仔玩心照,唔駛講咁多,他明我愛佢地的,似乎他們年紀太細未夠成熟玩心照添,往後要多加一兩句情深的說話才可以了,畫公仔要畫出腸的:)
昨天早上,老公給了我一個深情的擁抱。原來係有d嘢…
晚上他告知我,原來他夢見我死鬼左,唔怪得啦!
不過亮點在後,在夢中,我雖死了,但他說我仲煮緊飯,即咩意思~~死都要煮飯俾佢食囉!!!! ;p ;p
真開心,天天都有搞笑嘢! 哈哈!

2014年11月14日星期五

有趣對話(三十七) 大屋與家務

兩隻小朋友睇電視,見到廣告裏人家住在一間大屋~~
翊翊:嘩!間屋好大,我好鍾意呀!
翹翹:我都好鍾意呀!
媽媽:(我正在辛苦地打掃)我唔鍾意咁大間屋,會打掃到死呢!
翊翊:我會幫你打掃架!(但他正躺在沙發上)
媽媽:(雙手叉腰)你地兩個,如果你地第時有錢買大屋,但係唔識自己做家務都唔準買,否則大屋都變垃圾屋。依家快d去執屋(簡直火都黎!)
兩隻嘢立即火速執屋(玩具)!

就正如d高官所講,做人要務實點好,所以小朋友應從學做家務開始,想住大屋,就要循序漸進,不能一步到位!
新年時應給兩隻嘢一條黃色揮春:我要住大屋!(貼係佢地額頭,佢地一定勁開心! :p)

有趣對話(三十六) 數粟米

在樓下買了兩條粟米回家,菜檔姨姨叫翹翹回家數吓有幾多粒粟米。
回到家中,翹翹立即撕走d皮,他便開心地和認真地數。數了一陣,發覺唔對路,於是放棄了!
他真是傻得可愛!
— feeling happy.

有趣對話(三十五) 埃塞俄比亞

今天去金鐘睇"死海古卷"展覽。回程坐地鐵時,翹翹說熱嚷著要除外套,除下外套後只剩下一件背心。
有幾位女乘客見狀,便心痛地說:哎呀!做咩咁瘦呀?
媽媽:唉!無辦法啦!佢係埃塞俄比亞返黎嘅!
語畢,大家都開心地笑!

有趣對話(三十四) 中國人, 香港人, 美國人, 英國人

8 November at 12:12 · Edited ·

為何責備這代的年青人不認清自己是中國人和不熟識基本法?更不應把責任責難於教育界,一切責任應從我們這作父母的開始……
上星期,翹翹問:我係咪英國人?
媽媽:我地幾時做左英國人?我唔知嘅?
哥哥:我係美國人.
媽媽:你點解又會係美國人呢?
哥哥:因為我住過美國嘛!
媽媽:我地住過唔等於係嗰個國家的人。
翹翹:我地係香港人.
媽媽:對,仲有少少…是非常重要的。
翹翹:我地係中國人?
媽媽:對,我們是住在香港的中國人。

另一可笑的是,我們給小朋友讀很多故事書,但從沒給他們讀過一本叫"基本法"的東西,請問有兒童版本的嗎?
在新聞上看到很多大陸高官或香港官員都紛紛責罵著這世代的學生不愛國和不認識基本法,我為這代青年人感到委屈。我身為母親就去反思,我們作為父母的有冇從 家好好的給家中的小孩認知到我們是中國人。除了知識全交俾學校外,就連我們的身份也交給學校,實在離譜,但一切只責備學生。
說起這代學生不認同自己是中國人,追根究底,是他們的父母也沒有這樣的認同或認知,再以及父母的父母也如是,所以請收起對學生們的責罵。
除此之外,只有頭腦上認知自己的身份而沒有感情上的愛國,那也只是"假愛國",要人民愛國,我想要先感受到國家對人民的愛才可以。如果國家用錢來買人民來愛國,這好比一些富裕家庭的父母用物質來填補對子女的關心而矣!!!
由於中國盛產假貨,所以也接受"假愛國",而不喜歡"真愛國"的。似乎"真愛國"也是香港發明的!

有趣對話(三十三) 大大細細的問題

計完哥哥的數學題,然後輪到翹翹的大大.…細細的問題~~~
大約四個月前,我們從英國回到香港,一抵步,便直到學院供應給我們一家四口的宿舍。
弟弟翹翹視察完不久便說:點解間屋咁細既?
媽媽:你真係有所不知,香港好細架咋,其實我地屋企係香港黎講已經屬於大的了。(因為我們住舊式洋樓,真的好實用)
過了一段時間,翹翹又問:點解我們屋企冇garden嘅?
媽媽:吓!!!!????
翹翹自己作答:係咪因為香港好細。
媽媽:冇錯,你答得非常啱!香港好細,冇咁多地方起草地。
翹翹有些失望了!!!

有一天,我們一家在中環週圍行吓,約行了三條街…
翹翹便問:行完未呀?咁耐都未行完,你又話香港好細嘅。
媽媽:!!!!!!!!!好快就走了!(真係唔知點答d有關香港大大細細的問題)
住在宿舍四個月後的昨天,翹翹在家中突然發現新大陸咁樣,開心地說:媽媽,原來我地屋企個廁所好大架!
媽媽: !!!!!! (真係O晒咀,真係唔知呢位人兄係咩構造囉???)便答道~~係呀,你依家先發現呀!
翹翹開心得拍晒手掌,仲去話俾哥哥知他那驚人的發現!於是兩兄弟再入廁所參觀及討論一番!!!
另有天,朋友車我們去了一個有草地的公園玩。翹翹滿足的躺在草上,咀上露出無憾,心靈得填補的笑容。之後便做出在愛丁堡時的指定動作:執乾葉枯草,其實仲想摘新鮮的草,但給我制止了!
— feeling amused.