2011年1月29日星期六

翊翊哥哥萬歲!

當翹翹弟弟還在媽媽的肚裏時,哥哥已慢慢的與他建立感情;當弟弟出生後,哥哥對他的愛是有增無減.爸爸有時覺得弟弟將會給哥哥竉壞,簡直是溺愛呢!

因為...
  1. 哥哥間中就會說:弟弟好可愛;
  2. 當弟弟病時,哥哥會說:弟弟真係辛苦,可憐,好慘!
  3. 當其他朋友想與弟弟玩或抱他時,翊翊就會望到實一實,又或上前用身體擋住,恐怕弟弟給別人帶走;
  4. 吃飯時,翊翊要弟弟坐於他的旁邊,愈近愈開心;
  5. 而弟弟那隻充滿飯,菜,汁,口水的小手摸到哥哥的衣服或頭髮時,哥哥不但沒有嬲,還笑得很開心,非常歡迎;
  6. 當弟弟食飯顯得冇耐性扭計時,媽媽要求爸爸拿玩具給他玩,哥哥就第一時間跑去拿玩具,速度快過佢自己食     飯好多倍;
  7. 有時,哥哥會很溫柔地,耐心地教弟弟玩玩具,比媽媽溫柔得多;
  8. 弟弟有時都會不小心弄壞哥哥辛苦砌好的玩具,此時的哥哥必定會喊和好忿怒,媽媽便說:你唔好嬲弟弟啦!他的年紀還少,還未識規矩,你原諒佢啦!哥哥好快會原諒弟弟,然後繼續玩;
  9. 當弟弟曳曳,激嬲媽媽(扮作忿怒的樣子)時,哥哥便會對媽媽說:你唔好嬲弟弟啦!弟弟唔識規矩麻;
  10. 弟弟做錯事時,媽媽說弟弟曳,哥哥說:唔係,係乖!
  11. 有時媽媽會扮嬲好耐,哥哥便替弟弟求情問:你幾時先至原諒弟弟呀?
  12. 媽媽再七情上面些,同弟弟說:你咁曳,媽媽就唔要你!那時,哥哥的眼淚就會立即跑出來,喊著說:唔好唔要弟弟呀!(哥哥即刻要媽媽安慰,弟弟還未知發生緊咩事企左係度望來望去!真係笑死人!)
  13. 弟弟飲奶飲得差,正想向弟弟訓話時,翊翊已用他的小手很大力地掩蓋媽媽的罵人咀巴,不給我鬧弟弟;
  14. 家庭崇拜後段,翊翊代弟弟帶祈禱,向天父說:親愛的天父,求你俾媽媽善良D,唔好咁惡對弟弟!(媽媽心裡暗笑)事後,媽媽問翊翊,你知唔知點解媽媽咁惡? 唔知.媽媽答:媽媽係扮出來的,要翹翹知道自己做錯事,如果唔教好他,他將來會變成一個壞人架啦!翊翊似乎部份認同.
  15. 翊翊有一天問:我求天父叫你善良D,天父有冇聽我的祈禱呀!媽媽答:有,當我善良的時候,天父已聽你的祈禱.翊翊又問:咁媽媽惡的時候,天父咪冇聽我祈禱囉!媽媽答:唔係,係因為你地曳!

不過,當弟弟極度阻礙或破壞哥哥玩玩具時,哥哥對他的愛銳減到只剩下10%,無法啦!利益當前也!

其實,當媽媽看到他倆玩得哈哈大笑的時候,就想到有兄弟姊妹真好啊!願他倆的感情與日俱增,將來互相扶持!

2011年1月27日星期四

譚姓起源


"Tam" -a common abbreviation used in Scotland for Thomas.

2011年1月14日星期五

可愛的翹翹@翹翹的可愛

好似很少提及翹翹,人仔細細(快一歲半了)的他,還是很可愛...

  1. 當媽媽企高掛嘢時,他就說:跌跌.表示要媽媽小心呢!
  2. 當媽媽離開廚房時,他就指著燈掣,提醒媽媽離開時要關燈;
  3. 換完尿片後,爭著要自己把濕紙巾盒放回原處,又爭著自己把尿片掉進垃圾袋裡;
  4. 食pizza的時候,個表情比食粥仔開心千萬倍;
  5. 食粥仔的時候,由頭到尾都話d粥熱熱,完全係唔想食的藉口,總給人識穿;
  6. 飲奶未夠三分一就停飲,奶樽一離開個咀就話自己:"曳曳",明知自己曳就飲晒佢啦衺仔;
  7. 奶就唔飲,但攞住個奶樽指著D容量刻度係度數1,2,1,2...真係數黎有咩用,飲啦唔該!
  8. 瞓著覺發開口夢時都會扮怪獸聲:嘩!
  9. 見到哥哥打針喊,佢又扁咀,一齊喊了;
  10. 一企高在枱上,櫃上和浴缸邊,佢就覺得自己好叻同好威咁;
  11. 佢會問你Thomas&Friends的火車頭係咩名,講得唔啱唔肯停問,講得啱個名才肯安靜,莫非佢都記得晒?
  12. 有時聽到佢唱歌,原來佢哼到成首"大雀鳥,小雀鳥"和"Twinkle Twinkle little star";
  13. 有時會冇端白事大叫:oh!dear!...觀察耐D,原來係一首英文歌的頭兩個字;
  14. 叫了千萬次daddy,都未有一聲叫媽咪,實在可惡!!!
  15. 佢得閒會俾隻腳你聞,要話佢隻腳臭,他就開心,我還要扮出一個嘔心的樣子呢!那他就更興奮. 
  16. 如果佢伸條脷出利給你看,那表示要你讚他可愛得意;
  17. 如果他用手拍拍頭向你示意,那表示要你讚他靚仔;
  18. 錫你的同時,亦都係咬你的時候,有幾次都中招;
  19. 佢可以坐在BB櫈上食嘢,兩個小時都唔會扭計話要落地(但條件是有他喜歡的食物或家裡要人多-有朋友到訪);
  20. 他知道媽媽喜歡將物品放於枕頭底,佢會識得揭起來尋寶,又或有樣學樣,將自己的奶咀收於自己的枕頭底.
     

2011年1月3日星期一