2016年1月8日星期五

有趣對話(四十九) 唔緊要啦!

Josaphat Tam 及麗琪 feeling amused.
3 hrs ·
終於明白為何翹翹常說:唔緊要啦!
做功課時,翹翹寫錯字,媽媽說:你好似寫得唔係好啱喎!
翹翹:哎呀!唔緊要啦!老師會改架啦!
計數數手指,九隻手指只舉了八隻,媽媽說:你舉錯手指了,會計錯數的。
翹翹:唔緊要啦!差少少之嘛!
考試後,試卷派回家,媽媽說:有幾題老師打問號嘅?(空白了)
翹翹:哎呀!唔記得左做添!
媽媽:吓!!!
翹翹:唔緊要啦!老師會派返黎改正,之後寫返就得啦!
吃完雪糕便外出,翹翹嘴邊滿是朱古力跡,媽媽說:你冇抹咀就出街,咀邊全是朱古力了!
翹翹:唔緊要啦!呢d都唔係重要嘅事。
媽媽:咁你覺得咩事先重要呀?
翹翹:聖經啦!耶穌啦!教會啦!天父啦!呢d先重要架嘛!
媽媽心想:翹翹不被世俗事所煩擾,咁細個就咁神心,我贏唔過咁神聖嘅事,就放你一碼啦!