媽媽手記

27 mins ·

我的翊翊真的好乖好乖，他知道要面對嚴峻的考試，每天都沒有怨言地温習很多個小時。他的努力和付出已超標了!
翹翹也很乖，知道媽媽要幫哥哥温習，沒有時間陪他，他也沒有怪媽媽。
所以為了獎勵他們，我答應他們這個星期五晚可以跟媽媽一起同床睡覺，他們開心到不得了。爸爸說:"有沒有問過我的意見!?"我跟翹翹說，爸爸自己在你的床睡呢!!!!哈哈哈!!!
— feeling thankful.

有趣對話(四十二) 醫人.被醫

6 December at 09:34 ·

我昨天唔舒服，有少許發燒，躺在床上休息，翹翹醫生帶埋他的醫生盒來醫治我。他用心的醫治我，還在他的醫學書及我的病歷裏記錄了我屬於嚴重。他的醫術高明，有時好似向我施行巫術般，又有時好似幫我做facial般。
媽媽:你唔係老師黎嘅咩?
翹翹:我又係老師又係醫生。(好威啊!)
其實他都有幾聲咳。
媽媽:醫生，你都有幾聲咳喎，邊個醫你呀?
翹翹:動物園裏面醫動物嗰d人醫我。
媽媽:即係獸醫醫你?!!!!

媽媽手記

Josaphat Tam 及麗琪

30 November at 15:02 · 

這兩天和剛剛才發現:~
1.原來翊翊的實際考試日期俾我"以為"之中…早多一星期的;
2.星期二有數學小測，老師寫了單元七和八，一路以為是第七，八課，睇真d原來係14~19課。
上次測單元四至六，所以只同他溫第四至六課，但原來係八至十三課，今天才知一路都幫翊翊溫錯書……

邊個做著我d仔又慘又開心!!!!
我覺得我自己都好正!!!!只有不停的傻笑!!!!

— feeling fabulous.

 

 

Josaphat Tam 及麗琪

29 November at 12:53 · ·

其實香港小學的常識科是很有趣味的，這學科應該也可以帶小朋友深入探究這個地球，世界，社會和身邊的一切……
單看翊翊上學期的常識書，內容有九至十課，如果香港教育不是採用"蜻蜓點水"和"大量置入"的方式來教，而是探用"真的探究和啟發"的方式和可以給學生" 慢慢並細意品嚐"的話，效果一定美好多，那本只急用半年的上學期常識書也應可用到一整年甚至兩年之久，現在只有"數量"上的精彩!!!!這就是香港!

有趣對話(四十一) 手太滑

翹翹的手太滑!!!!
翹翹:我覺得我的手太滑，個太陽整到我的手好滑，個月亮又整到我的手好滑。(!!!!!!????)
媽媽:你唔鍾意對手咁滑咩?
翹翹:好唔鍾意!
媽媽:做多d家務，對手就唔滑架啦!
翹翹頓時消音!!!!
媽媽心想著點解個太陽和月亮可以整到對手係滑的????一路諗翹翹的奇怪諗法，一面狂笑，卻又被翹翹發現了…
翹翹:你係度笑我!(他不喜歡人家笑他的)
媽媽:我冇笑你呀，我笑緊個太陽同埋個月亮之嘛!
翹翹"誤會"了媽媽，也消音了!!!!
(媽媽不停地暗笑呢!)

有趣對話(四十) 棟起黎嘅嘢

Josaphat Tam 及麗琪 feeling amused

1 min ·

翹翹問的問題，睇吓你地估唔估到到底係咩嘢，哈哈哈!!
他問:"棟起黎嘅嘢"係幾時著嘅呢?
究竟在翹翹的眼中，"棟起黎嘅嘢"究竟係咩嘢黎嘅呢????

有趣對話(三十九) 揹書包

Josaphat Tam 及麗琪

14 hrs · Edited ·

翊翊的書包給我想起陰影就是陰影~~
記得我讀中學時，我其中一個妹妹同我說背部好痛，於是我幫她檢查背脊，發覺她背部兩邊的骨不平衡，一高一低的。過了一段短時間，她還說痛。於是我力勸媽媽 一定要帶她看醫生，檢查得知，她的脊骨居然"s"發展，要進行一個大手術，加入鋼片支撐著它不再惡化。在她康復期間，我當然要好好保護著她，返學和放學， 除了自己的書包，我還會揹埋她的書包，見她不再痛，我就很開心和安心!
到了現在，我為了省回一些校車或交通費，我決定與翊翊步行25分鐘到學校，放學也如是，其實路程都不遠，可是那沉重的書包(其實天天也有執書包)……唉!

由於我有這陰影(雖然我知脊骨"S"形發展未必與重重的書包有關)，再加上翊翊太瘦，怕他唔覺意"骨折"(哈哈)，故我會替他揹書包，最後四分一路程才把書包給回他。
經過接近三個月，我發覺我的頸和膊頭都唔係好掂了，最後都決定把書包放在手提行李裡運送返學，這舒服得多了!
這應是我年紀越來越大，"機器"續步變壞,也因書包太重了! 在街上看到有其他小學生揹起比翊翊那更大更重的書包，一方面佩服他們，另一方面真替他們陰公呢! 小朋友應背起他自己的書包，但不應是過重的書包呢!香港的學生真厲害!

有趣對話(三十八) 擁抱

Josaphat Tam 及麗琪

19 November at 15:29 ·

從"擁抱"得出來的笑話!!!!
有天，當翹翹做完功課，媽媽"見有d時間",便說:過黎，我地黎過深情的擁抱吧!
翹翹被媽媽擁入懷中時說:原來你係咁鍾意我架!?
媽媽平和地回應:係呀! 你今日先知呀!?

今吃完午餐後，媽媽又對翹翹說:你去午睡一陣，免得你去接哥哥放學時在路上一邊行一邊釣魚。但我會叫醒你，把你帶在身邊的，因為我要保護你的。
翹翹:你怕我俾壞人捉? 如果我俾壞人捉左，你係咪會喊架?
媽媽:緊係會喊啦! 你知唔知點解?
翹翹搖頭:唔知。
媽媽"明確而又堅定"地說:因為我好愛你架嘛!!!
翹翹聽後的反應是… 即時爆笑!!! (好似出生以來最好聽的笑話)
唉! 諗住同d仔玩心照，唔駛講咁多，他明我愛佢地的，似乎他們年紀太細未夠成熟玩心照添，往後要多加一兩句情深的說話才可以了，畫公仔要畫出腸的:)
昨天早上，老公給了我一個深情的擁抱。原來係有d嘢…
晚上他告知我，原來他夢見我死鬼左，唔怪得啦!
不過亮點在後，在夢中，我雖死了，但他說我仲煮緊飯，即咩意思~~死都要煮飯俾佢食囉!!!! ;p ;p
真開心，天天都有搞笑嘢! 哈哈!