有趣對話(四十八) 從用的擦膠來教仔揀老婆

Josaphat Tam 及麗琪

4 December at 22:13 · 

從用的擦膠來教仔揀老婆
弟弟做功課時，他喜歡用漂亮但擦得唔係好乾淨的擦膠。媽媽就拿起一塊白色又普通的擦膠同他那黃色的擦膠作比較地說：~
媽媽：這塊白色擦膠雖然唔靚，但它擦得好乾淨;你那黃色擦膠雖然靚，但擦得唔乾淨。你將來揀老婆都一樣，唔駛揀靚的，最緊要心地善良。

哥哥好快咁講：我覺得你好靚喎。
媽媽反應不來：吓!!!!
爸爸卻好快地問哥哥：咁媽媽係咪心地善良呀？
哥哥即時回應：eh......
唉！我實唔善良啦！剛向兩兄弟開完"機關槍"!

有趣對話(四十七) 另一個小朋友叫做<我>

Josaphat Tam 及麗琪 feeling awesome

2 hrs ·

翹翹是用個真心來做功課的：~
做這部份功課，弟弟選唔落手，當中冇一個選擇是他喜歡的。
媽媽：你喜歡邊個?
翹翹：三個都不喜歡。
媽媽：唔緊要，是但選一個。
翹翹搖頭。
媽媽：如果學校唔夠老師帶課外活動，只得這三項，你選哪一項啦！
翹翹：但學校其實有好多老師的。˚_˚ǁ
媽媽：老師話一定一定要選一項的，你選啦！
翹翹雙眼開始發紅，快要哭出來了，扁埋咀。(很被強逼和受委屈的樣子。)
媽媽：唔緊要，諗諗辦法，做住其他的先。(我真想試在作業的旁邊寫張memo給老師說翹翹真的揀唔落手，香港的老師緊係唔肯過你啦！)

~媽媽行入廚房，行個白鴿轉，諗個辦法先，其間不停狂笑，這小朋友真的可愛~
想到一個辦法，試吓先：~
媽媽：我諗到點做了~[啦，現在不是你做，你代一個小朋友做，但他的名字好特別的，叫做<我>。
翹翹：咁咪即係你黃麗琪。
媽媽：唔係我黎嘅，係另一個小朋友叫做<我>啫，佢就好鍾意唱歌的。你就幫佢揀同填啦！
最後，翹翹被媽咪"昆"了,選了合唱團，
並寫了原因：我很喜歡唱歌。
好處：可以唱好聽的歌。
這小子真沒有香港一般學生的氣質，唔會就咁交"行貨"!

有趣對話(四十六) 電視機與博士

這星期家中的電箱的水線掣經常跳掣，經過不停的嘗試，終於搵到有問題的電器很大可能是部電視機。冇得睇電視，小朋友緊係牙痛咁嘅聲啦！今早上學的路上......

媽媽：要搵電器師傅上黎檢查和維修了。
翹翹：爸爸唔係博士黎嘅咩?!!!!!!(他真的以為博士係咩嘢都識)
媽媽(勁忍笑)：......即係呢......維修機器電線這些工作是一作危險的工作，一不小心就會觸電而受傷或死，是要經過專業的訓練和考試，合格後才可以有資格做這危險的事情。爸爸冇學過這知識和冇考這方面的牌。

翹翹：咁爸爸又識得維修我Thomas and Friends嘅玩具和換電.
媽媽(快要爆笑了)：呀～那是電芯，危險性低好多好多的，唔係博士都做到的。

媽媽：面壁狂笑(不能給翹翹看見，否則他以為我取笑他而不開心的)
翊翊：(給他留意到)你係度笑咩嘢?

翹翹這隻小一雞實在太可愛了！

有趣對話(四十五) 學校午餐

Josaphat Tam 及麗琪

3 hrs ·

翊翊和翹翹對學校飯商的午膳挺滿意的，有時還可以把飯菜吃光。
媽媽：學校的午餐比媽媽煮的好味，對嗎？
哥哥：那當然啦！
弟弟：不是~(媽媽洗耳恭聽著)
媽媽煮的豉油最好味!

唉～頭頂兩隻烏鴉飛過，呀～呀～
真係多謝晒!

有趣對話(四十四) 呢個世界都有水管的

翊翊問我：媽媽，血管的英文係咩?
回答他的途中，翹翹認真地插咀問或分享給哥哥知：
其實呢個世界都有水管的，你知唔知呀?我仲有次見到爆水管添!

我覺得好搞笑，翹翹天真的分享真讓我笑到快要爆血管呢！