2013年6月26日星期三

有趣對話(三十一) 追女仔

~~情竇初開的翊翊~~

昨晚,一邊食飯,一邊同翊翊傾偈.他甜絲絲笑著的告訴我:我已經有女朋友了.

我當然扮演認真而又與他一同甜蜜的問他(其實亞媽八卦就真):係咩女仔黎架?他說是同班同學.
媽咪:靚唔靚架?
翊翊:唔知呀!(然後就叫佢形容一吓那女孩子)
媽咪:咁你點解鍾意佢呀?
翊翊:因為她對我好好,同埋成日笑!
媽咪:唔!唔!(心想翊翊這個仔唔錯,不是以別人的外貌才喜歡人,而是喜歡別人的好)

跟住佢又爆料,說他的老友Daniel都有一個女朋友,而且他見過Daniel的咀唇貼住女朋友的咀唇呢! @_@!!!!(其實都唔知堅料定流料)

我當然七情上面咁問:那你有冇這樣對你的女朋友呀?
翊翊:緊係冇啦!這些事情要結左婚才可以做的.
媽咪:你唔可以亂錫女仔的,我們要尊重別人,要得到你的女朋友同意,仲有她的媽媽和你的媽媽即是我的同意才可以,知道嗎?(提高些門檻,讓他不輕舉妄動)
翊翊:我知道.我大個左想同她結婚.
媽咪:但我們就黎要離開愛丁堡囉喎!咁會見唔到你的女朋友了.
翊翊:咁我地留在愛丁堡等到變大人啦!!!(他似乎都幾鍾意這女孩子喎!)

媽咪心裡暗笑,翊翊這個孩子開始長大了,可愛!!!!!

沒有留言:

發佈留言